Уладзімір Сямёнавіч Караткевіч
26 лістапада наша краіна адзначала 89-годдзе з дня нараджэння Уладзіміра Сямёнавіча Караткевіча, нашага земляка, паэта, празаіка, эсіста, драматурга, чалавека энцыклапедычных ведаў і нястомнай працавітасці.
У рамках Тыдня памяці Уладзіміра Караткевіча ў нашай установе адукацыі была наладжана выстава кніг Уладзіміра Сямёнавіча. Быў аформлены ў кабінеце беларускай мовы і літаратуры інфармацыйны куточак пра жыццё і творчасць вялікага пісьменніка пад кіраўніцтвам настаўніка беларускай мовы і літаратуры А.У.Карабковай.
А 29 лістапада з гэтай нагоды адбылася літаратурна-музычная вечарына “Рыцар сумлення і свабоды”. На вечарыне вучні чыталі вершы паэта, гучалі словы вялікіх людзей пра яго, былі
праслуханы музычныя творы на яго вершы. Таксама прагледзелі невялікія відэаролікі пра пісьменніка і пачулі зварот самаго Уладзіміра Караткевіча да чытачоў. Дзяўчаты падрыхтавалі невялікую інсцэніроўку па яго творы. На прыканцы мерапрыемства бібліятэкар пазнаёміла нас з цікавымі фактамі з жыцця таленавітага мастака слова.
Сярод рыцараў сумлення і свабоды нашай Бацькаўшчыны заўсёды быў, ёсць і будзе гэты вялікі чалавек.
