Уладзімір Караткевіч
26 лістапада наша краіна адзначыць 90-годдзе з дня нараджэння Уладзіміра Сямёнавіча
Караткевіча. Нашага земляка,паэта,празаіка,эсіста,драматурга, чалавека энцыклапедычных ведаў і нястомнай працавітасці.
З гэтай нагоды ў нашай установе адукацыі была наладжана выстава кніг Уладзіміра Сямёнавіча. Быў аформлены ў кабінеце беларускай мовы і літаратуры інфармацыйны куточак пра жыццё і творчасць вялікага пісьменніка.
Вучні старэйшых класаў падрыхтавалі літаратурна-музычную вечарыну “Рыцар сумлення і свабоды”. На вечарыне гучалі вершы паэта, словы вялікіх людзей пра яго, былі праслуханы музычныя творы на яго вершы. Таксама прагледзелі невялікія відэаролікі пра пісьменніка і пачулі зварот самаго Уладзіміра Караткевіча да чытачоў.
Дзяўчаты падрыхтавалі невялікую інсцэніроўку па яго творы.
На прыканцы мерапрыемства бібліятэкар пазнаёміла нас з цікавымі фактамі з жыцця таленавітага мастака слова.
Таксама прайшоў конкурс чытальнікаў вершаў, дзе вучні прадэкламавалі вершы, з якімі раней пазнаёміліся ў школе.
Сярод рыцараў сумлення і свабоды нашай Бацькаўшчыны заўсёды быў, ёсць і будзе гэты вялікі чалавек.
